Reklama
Biznesingiz uchun Telegram’da reklama · TCA Media
Dushanba, 16-noyabr 2026-yil
Asosiy yangiliklar.
Reklama
Biznesingiz uchun Telegram’da reklama · TCA Media
Sport

Oʻzbekiston 2030 yilgacha Osiyoning eng kuchli uch velosport terma jamoasi qatoriga kirishni maqsad qilmoqda

2027 yil martidan boshlab Toshkentdagi zarur infratuzilmaga ega maktablarga bosqichma-bosqich velosipedlar berila boshlaydi. Dasturni prezident Shavkat Mirziyoyev tasdiqladi.

13-noyabr, 19:11По-русски

Read in English

Oʻzbekistonda velosportni rivojlantirish dasturi qabul qilindi. Shavkat Mirziyoyev PP-394-son qarorni 2026 yil 11 noyabrda imzoladi. Hujjat poytaxt maktablari uchun pilot loyihani, qator yangi turnirlarni va yaqin yillarda sportni rivojlantirishga oid maqsadlarni nazarda tutadi.

2027 yil martidan Toshkentda «Toshkent tajribasi» pilot dasturi boshlanadi. 2027–2028 yillarda mos infratuzilmaga ega maktablarga bosqichma-bosqich velosipedlar beriladi, oʻquvchilar bilan mashgʻulotlar oʻtkazish uchun esa murabbiylar jalb qilinadi. Dasturni Toshkent budjeti moliyalashtiradi.

Bundan tashqari, mamlakatda turli toifadagi ishtirokchilar uchun muntazam musobaqalar tashkil etiladi:

Reklama
Biznesingiz uchun Telegram’da reklama · TCA Media

«Talabalar kubogi» — oliy taʼlim muassasalari talabalari uchun; «Direktor kubogi» — zarur infratuzilmaga ega maktablarning yuqori sinf oʻquvchilari uchun; «Sening imkoniyatlaring» — nogironligi boʻlgan insonlar uchun paravelosport turniri.

Yana ikkita velomarafon muhim sanalarga bagʻishlanadi. 8 martga «Bahor malikalari» ayollar poygasi oʻtkaziladi, 22 sentyabr — Butunjahon avtomobilsiz kunida esa «Sogʻlomlik sari yoʻl» ommaviy velomarafoni boʻlib oʻtadi.

Hokimiyat 2030 yilgacha velosport bilan shugʻullanuvchilar sonini 30 ming nafarga yetkazishni koʻzlamoqda. Yana bir maqsad — Oʻzbekiston terma jamoasini Osiyoning eng kuchli uch jamoasi qatoriga olib chiqish va Olimpiya litsenziyalari sonini koʻpaytirish.