Reklama
Biznesingiz uchun Telegram’da reklama · TCA Media
Dushanba, 16-noyabr 2026-yil
Asosiy yangiliklar.
Reklama
Biznesingiz uchun Telegram’da reklama · TCA Media
Jamiyat

AQShdan Oʻzbekistonga 12 yil qidiruvda boʻlgan fuqaro olib kelindi

1978-yilda tugʻilgan, 2014-yildan beri qidiruvda boʻlgan erkak Oʻzbekistonga olib kelinib, Jizzax prokuraturasiga topshirildi. U chegarani noqonuniy kesib oʻtishda ayblanmoqda.

12-noyabr, 16:30По-русски

Read in English

Jizzax viloyati Ichki ishlar boshqarmasi matbuot xizmati 2014-yildan beri qidiruvda boʻlgan fuqaroning Oʻzbekistonga qaytarilgani haqida xabar berdi. Boshqarma maʼlumotiga koʻra, erkak tezkor-qidiruv tadbirlari natijasida AQShdan olib kelingan.

Ushlangan shaxs — 1978-yilda tugʻilgan Yu. N. Unga Jinoyat kodeksining 223-moddasi 2-qismi «g» bandida nazarda tutilgan jinoyat — chet elga noqonuniy chiqish yoki Oʻzbekistonga noqonuniy kirish aybi qoʻyilmoqda. Agar chegarani kesib oʻtish tartibini chiqishi uchun maxsus kelishuv talab qilinadigan mansabdor shaxs buzgan boʻlsa, ushbu modda boʻyicha besh yildan oʻn yilgacha ozodlikdan mahrum etish jazosi nazarda tutilgan.

Erkak qaytarilganidan soʻng Jizzax shahri prokuraturasiga topshirildi. Ishning boshqa tafsilotlarini IIB oshkor qilmadi.

Reklama
Biznesingiz uchun Telegram’da reklama · TCA Media