Reklama
Biznesingiz uchun Telegram’da reklama · TCA Media
Dushanba, 16-noyabr 2026-yil
Asosiy yangiliklar.
Reklama
Biznesingiz uchun Telegram’da reklama · TCA Media
Jamiyat

Oʻzbekistonliklarga barglar va oʻsimlik qoldiqlarini yoqqanlik uchun jarimalar eslatildi

Ekologiya va iqlim oʻzgarishi milliy qoʻmitasi Oʻzbekiston aholisini qishloq xoʻjaligi yerlarida oʻsimlik qoldiqlarini yoqish taqiqlangani haqida ogohlantirdi.

2-noyabr, 16:59По-русски

Read in English

Bunday qoidabuzarlik uchun fuqarolarga bazaviy hisoblash miqdorining (BHM) 3 baravaridan 5 baravarigacha miqdorda maʼmuriy jarima solinadi. Bundan tashqari, qoidabuzarlardan ekologik zarar uchun kompensatsiya undirilishi mumkin, uning miqdori zarar koʻrgan yerlar maydoniga bogʻliq.

Qoʻmita fermerlar, dehqonlar va yerdan foydalanuvchilarni dalalarda angʻiz, quruq barglar, shoxlar, butalar va boshqa oʻsimlik qoldiqlarini yoqmaslikka chaqirdi. Ular yonganda havoga inson salomatligi va atrof-muhit uchun xavfli zaharli birikmalar ajralib chiqadi.

Yuqori harorat tuproq tarkibidagi makro- va mikroelementlarni ham yoʻq qiladi, natijada uning unumdorligi pasayadi. Idora oʻsimlik qoldiqlaridan kompost tayyorlash, koʻchatlarni mulchalash va chorva uchun ozuqa sifatida foydalanishni tavsiya qildi.

Reklama
Biznesingiz uchun Telegram’da reklama · TCA Media