Oʻzbekiston va Eron transport-logistika sohasidagi hamkorlikni kuchaytiradi
Oʻzbekiston va Eron tashuvlar sohasidagi hamkorlikni kengaytirish hamda xalqaro logistika toʻsiqlarini bartaraf etish uchun ishchi guruh tuzishga kelishdi.

Muzokaralarda tomonlar xalqaro yuk tashish hajmini oshirish, transport xarajatlari va yigʻimlarni kamaytirish, shuningdek, tashuvchilar uchun tartib-taomillarni soddalashtirish masalalarini muhokama qildi. Avtomobil va temir yoʻl transporti, aviatsiya, yangi transport yoʻlaklari hamda Eron portlari imkoniyatlaridan foydalanish masalalari ham alohida koʻrib chiqildi.
Kelishuvlarni amalda bajarish uchun ikki mamlakat transport vazirlari oʻrinbosarlari rahbarligida qoʻshma ishchi guruh tuziladi. Guruh xalqaro yuk tashish bilan bogʻliq masalalarni muvofiqlashtiradi, mavjud toʻsiqlarni bartaraf etadi va kelishilgan tashabbuslarning bajarilishini taʼminlaydi.
Yana oʻqing

Banklar mijozlarning moliyaviy operatsiyalariga qarab demensiyani aniqlashni oʻrganmoqda
Iqtisodiyot18:49
Soliq qoʻmitasi soliq tizimini yaxshilash boʻyicha fuqarolar va biznes takliflarini qabul qilmoqda
Iqtisodiyot16:58


